غم کا قصہ نہ کبھی ہم سے سنایا جاتا — راشد ڈوگر
شاعر
غم کا قصہ نہ کبھی ہم سے سنایا جاتا
غم کا قصہ نہ کبھی ہم سے سنایا جاتا
ان کے پہلو میں اگر یوں نہ بٹھایا جاتا
کوئی باطل ہو تو پلکوں پہ اٹھا لو اس کو
کہ یہاں سچ کو ہے سولی پہ چڑھایا جاتا
یاں سے جا کر بھی نہیں ہم کہیں جانے والے
جان لے کر بھی نہیں عشق مٹایا جاتا
میرے دل کو ہے کسی یاد نے گھیرا ایسے
جیسے ہالے سے کوئی چاند سجایا جاتا
مہک اس کی ہے مرے خُون میں دوڑے جاتی
لمس اس کا ہے مرے من میں مِلایا جاتا
میری سوچیں ہیں مرے جسم پہ طاری رہتیں
میرے باطن میں کوئی گیت ہے گایا جاتا
Gham ka qissa na kabhi hum se sunaya jaata
Gham ka qissa na kabhi hum se sunaya jaata
Un ke pehlu mein agar yoon na bithaya jaata
Koi baatil ho to palkon pe utha lo us ko
Ke yahan sach ko hai suli pe chadhaya jaata
Yan se ja kar bhi nahin hum kaheen jaane wale
Jaan le kar bhi nahin ishq mitaya jaata
Mere dil ko hai kisi yaad ne ghera aise
Jaise haale se koi chand sajaya jaata
Mehak us ki hai mere khoon mein daude jaati
Lams us ka hai mere man mein milaya jaata
Meri sochein hain mere jism pe taari rehtein
Mere baatun mein koi geet hai gaaya jaata
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں