گو پھول یہاں کم ہیں، مگر خار بہت ہیں — راشد ڈوگر
شاعر
گو پھول یہاں کم ہیں، مگر خار بہت ہیں
گو پھول یہاں کم ہیں، مگر خار بہت ہیں
رنگین لباسی کو یہ آزار بہت ہیں
میں اپنی جگہ چُپ ہوں کہ مکار نہیں ہوں
وہ اپنے تئیں خوش ہیں کہ عیار بہت ہیں
عشاق بہت سادہ ہیں، تجار فریبی
نادان یہاں تھوڑے ہیں، ہشیار بہت ہیں
انکار نہیں ہے کہ ہمیں پیار نہیں ہے
اقرار نہیں کرتے کہ خوددار بہت ہیں
امکان کی حد کیا ہے کوئی کہہ نہیں سکتا
انسان کے مٹ جانے کے آثار بہت ہیں
اللہ کی رحمت ہے یہ چلتی ہوئی سانسیں
ورنہ تو حقیقت ہے کہ لاچار بہت ہیں
Go phool yahaan kam hain, magar khaar bahut hi hain
Go phool yahaan kam hain, magar khaar bahut hi hain
Rangeen libaasi ko yeh aazaar bahut hi hain
Main apni jagah chup hoon ke makkaar nahin hoon
Woh apne taeen khush hain ke ayyaar bahut hi hain
Ushshaq bahut saada hain, tajjar farebi
Naadaan yahaan thode hain, hoshiyaar bahut hi hain
Inkaar nahin hai ke hamein pyaar nahin hai
Iqraar nahin karte ke khuddar bahut hi hain
Imkaan ki had kya hai koi keh nahin sakta
Insaan ke mit jaane ke aasaar bahut hi hain
Allah ki rehmat hai yeh chalti hui saansen
Warna to haqeeqat hai ke laachaar bahut hi hain
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں