کہانی کے اندر بھی ہے اک کہانی — راشد ڈوگر
شاعر
کہانی کے اندر بھی ہے اک کہانی
کہانی کے اندر بھی ہے اک کہانی
جوانی کے باطن میں ہے اک جوانی
عجب ہے کہ مرنے سے پھر جی اٹھے ہیں
کہ فانی کے پہلو میں تھی جاودانی
خوشی سے بھی آئے اداسی کی خوشبو
دو غم مل کے بنتے ہیں خوشیوں کے بانی
بجے رو کے باجا ، ہنسیں سن کے آنسو
نئی ہے ابھی جو، وہ کل ہے پرانی
جو سرگم کی لہروں پہ غم تیرتا ہے
تو درد و الم ہیں جنم کی نشانی
کسی کو ڈبوئے کسی کو جِلائے
سو رنگوں کا مظہر ہے بے رنگ پانی
تغیر کے دھاگے سے ہستی سِلی ہے
یہی تانا بانا بُنے زندگانی
Kahani ke andar bhi hai ek kahani
Kahani ke andar bhi hai ek kahani
Jawani ke baatun mein hai ek jawani
Ajab hai ke marne se phir jee uthe hain
Ke fani ke pehlu mein thi jaawdani
Khushi se bhi aaye udasi ki khushboo
Do gham mil ke bante hain khushiyon ke baani
Baje ro ke baja, hansein sun ke aansoo
Nayi hai abhi jo, woh kal hai purani
Jo sargam ki lehron pe gham tairta hai
To dard o alam hain janam ki nishani
Kisi ko duboye kisi ko jilaaye
Sau rangon ka mazhar hai be-rang paani
Tageer ke dhaage se hasti sili hai
Yehi tana bana bune zindagani
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں