خوشبُو — راشد ڈوگر
شاعر
خوشبُو
تُحفہ مجھ کو ملا ہے خوشبُو کا
ہاتھ آیا چراغ جادُو کا
جس کو چھوتے ہی روشنی سی ہو
جیسے شیشے میں چاندنی سی ہو
دینے والے کا پیار ہو جیسے
اک مسلسل خمار ہو جیسے
جو خیالوں کو برق رو کر دے
اور صدیوں کو سامنے دھر دے
کوئی خوشبو جو سونگھتا ہُوں میں
ہو کے بے خود ، یہ سوچتا ہُوں میں
ایک خوشبو تھی بند کُرتے میں
روشنی لوٹ آئی لمحے میں
کوئی تو پھول سا سراپا ہے
عطر جس کا جہاں میں پھیلا ہے
Khushboo
Tuhfa mujhe ko mila hai khushboo ka
Haath aaya charaagh-e-jadu ka
Jis ko chhote hi roshni si ho
Jaise sheeshe mein chandni si ho
Dene waale ka pyaar ho jaise
Ik musalsal khumar ho jaise
Jo khayalon ko barq-rau kar de
Aur sadiyon ko saamne dhar de
Koi khushboo jo soonghta hoon main
Ho ke be-khud, yeh sochta hoon main
Ek khushboo thi band kurte mein
Roshni laut aayi lamhe mein
Koi to phool sa sarapa hai
Itr jis ka jahan mein phaila hai
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں