میں ہُوں خاک و خوں سے بُنا گیا، یہ سُنا ہے مَیں ہُوں چُنا گیا — راشد ڈوگر
شاعر
میں ہُوں خاک و خوں سے بُنا گیا، یہ سُنا ہے مَیں ہُوں چُنا گیا
میں ہُوں خاک و خوں سے بُنا گیا، یہ سُنا ہے مَیں ہُوں چُنا گیا
میں ہُوں آنسوؤں سے سَنا ہوا، میں ہُوں ٹھوکروں سے دُھنا گیا
میں ہُوں ناز جو نہ سہا گیا، میں ہُوں راز جو کہ چُھپا رہا
ہُوں وہ ساز جو کہ چِھڑا نہیں ، میں وہ راگ جو نہ سُنا گیا
میں کہ کل کے وعدے پہ مر مٹا، میں کہ پل سے پہلے ہی پِل پڑا
میں ہُوں بند ریشمی جال میں، جو ہے میرے گرد بُنا گیا
میں کہ مستعار کی زندگی ،کوئی کھیل یا کہ ہُوں دل لگی
یہ ادھار میں نہ چکا سکا بھلے سُود سو سو گُنا گیا
بڑی خواہشوں سے اٹا ہوا، کئی حسرتوں سے کٹا ہوا
اسی دُھن پہ دل ہے ڈٹا ہوا، جو ازل میں کوئی سُنا گیا
Main hoon khaak-o-khoon se buna gaya, yeh suna hai main hoon chuna gaya
Main hoon khaak-o-khoon se buna gaya, yeh suna hai main hoon chuna gaya
Main hoon aansuon se sana hua, main hoon thokaron se dhuna gaya
Main hoon naaz jo na saha gaya, main hoon raaz jo ke chhupa raha
Hoon woh saaz jo ke chheda nahin, main woh raag jo na suna gaya
Main ke kal ke waade pe mar mita, main ke pal se pehle hi pil pada
Main hoon band reshmi jaal mein, jo hai mere gird buna gaya
Main ke mustaar ki zindagi, koi khel ya ke hoon dil lagi
Yeh udhaar main na chuka saka bhale sood sau sau guna gaya
Badi khwahishon se ata hua, kayi hasraton se kata hua
Isi dhun pe dil hai data hua, jo azal mein koi suna gaya
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں