مرے سوال پہ لہجہ بدل لیا اس نے — راشد ڈوگر
شاعر
مرے سوال پہ لہجہ بدل لیا اس نے
مرے سوال پہ لہجہ بدل لیا اس نے
سفر کے درمیاں رستہ بدل لیا اس نے
کہا نہیں تھا کہ اک دن بدل کے چھوڑے گا؟
بدل کے چھوڑ دیا، جا بدل لیا اس نے
وہ دشمنی کی جگہ، دوستی سے مارے گا
بہ احتیاط! کہ جُبَّہ بدل لیا اس نے
یاں ایک یہ ہے کہ اب تک وہیں پہ ٹھہرا ہے
واں ایک وہ ہے کہ کیا کیا بدل لیا اس نے
عجیب بات نہیں اس نے دوست بدلے ہیں
غضب تو یہ ہے کہ ہم سا بدل لیا اس نے
کسی کے پاس کسی دل پہ اختیار نہیں
کبھی سُنا ہے کہ چاہا بدل لیا اس نے؟
عدو جو سامنے تھا، اب صفوں کے اندر ہے
شکست دیکھ کے، فتنہ بدل لیا اس نے
Mere sawaal pe lehja badal liya us ne
Mere sawaal pe lehja badal liya us ne
Safar ke darmiyaan rasta badal liya us ne
Kaha nahin tha ke ik din badal ke chhodega?
Badal ke chhod diya, ja badal liya us ne
Woh dushmani ki jagah, dosti se marega
Ba ehtiyaat! Ke jubbah badal liya us ne
Yaan ek yeh hai ke ab tak wahin pe thehra hai
Waan ek woh hai ke kya kya badal liya us ne
Ajeeb baat nahin us ne dost badle hain
Ghazab toh yeh hai ke hum sa badal liya us ne
Kisi ke paas kisi dil pe ikhtiyaar nahin
Kabhi suna hai ke chaha badal liya us ne?
Adoo jo saamne tha, ab safon ke andar hai
Shikast dekh ke, fitna badal liya us ne
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں