محبت — راشد ڈوگر
شاعر
محبت
سلسلہ محبت کا
آرزو سے قائم ہے
رابطہ محبت کی
اک دلیل ہوتا ہے
پھر یہ رابطہ چاہے
گفتگو کا نہ بھی ہو
ہاں مگر تخیل میں
خوب ہوتا رہتا ہے
جب تلک محبت ہے
یاد زندہ رہتی ہے
جب تلک تصور ہے
پریت بڑھتی رہتی ہے
خیال سے جو اوجھل ہو
ختم وہ محبت ہے
یہ بھی اک حقیقت ہے
عاشقی کو دنیا میں
عیب جانا جاتا ہے
اس لئے تو اکثر ہی
پیار چاہے ہو بھی تو
صاف مُکر جاتے ہیں
مان جانے والوں کو
لوگ چھوڑ دیتے ہیں
پیار کرنے والوں کو
توڑ پھوڑ دیتے ہیں
مجھ سے گر جو پوچھو تو
پیار ایک ہوّا ہے
ہاتھ جو نہیں آتا
روپ جو بدلتا ہے
Mohabbat
Silsila mohabbat ka
Aarzoo se qaim hai
Raabta mohabbat ki
Ek daleel hota hai
Phir yeh raabta chahe
Guftugoo ka na bhi ho
Haan magar takhayyul mein
Khoob hota rehta hai
Jab talak mohabbat hai
Yaad zinda rehti hai
Jab talak tasawwur hai
Preet badhti rehti hai
Khayal se jo ojhal ho
Khatm woh mohabbat hai
Yeh bhi ek haqeeqat hai
Aashiqi ko duniya mein
Aib jaana jaata hai
Is liye to aksar hi
Pyaar chahe ho bhi to
Saaf mukar jaate hain
Maan jaane walon ko
Log chhod dete hain
Pyaar karne walon ko
Tod phod dete hain
Mujh se gar jo poochho to
Pyaar ek hawwa hai
Haath jo nahin aata
Roop jo badalta hai
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں