پہلے شدت سے وار کرتا ہے — راشد ڈوگر
شاعر
پہلے شدت سے وار کرتا ہے
پہلے شدت سے وار کرتا ہے
پھر وہ ٹکڑے شمار کرتا ہے
اپنے دل کو وہ چُور پاتا ہے
ان سے آنکھیں جو چار کرتا ہے
آپ کوشش سے کہہ نہیں سکتے
شعر خود ہی پکار کرتا ہے
مرد سہتا ہے مار دنیا کی
اپنے کنبے سے پیار کرتا ہے
اپنے پردے کو آج کا انساں
آپ ہی تار تار کرتا ہے
اک تصور جو میری آنکھوں کو
بار بار اشک بار کرتا ہے
وہ کہِیں جا کے بُھول بیٹھے ہیں
یہ یہاں انتظار کرتا ہے
شب کے تارے چلے ہیں غاروں کو
دن کا سورج ابھار کرتا ہے
Pehle shiddat se waar karta hai
Pehle shiddat se waar karta hai
Phir woh tukde shumar karta hai
Apne dil ko woh choor paata hai
Un se aankhein jo chaar karta hai
Aap koshish se keh nahin sakte
Sher khud hi pukaar karta hai
Mard sehta hai maar duniya ki
Apne kunbe se pyaar karta hai
Apne parde ko aaj ka insan
Aap hi taar taar karta hai
Ek tasawwur jo meri aankhon ko
Baar baar ashk baar karta hai
Woh kaheen ja ke bhool baithe hain
Yeh yahan intezaar karta hai
Shab ke taare chale hain gharon ko
Din ka suraj ubhaar karta hai
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں