رات اور پھر اس پہ تیری یاد بھی ہے — راشد ڈوگر
شاعر
رات اور پھر اس پہ تیری یاد بھی ہے
رات اور پھر اس پہ تیری یاد بھی ہے
دل کہ ہے برباد اور آباد بھی ہے
چاند ہے یا ہے کوئی ارمان نکلا
چاندنی ہے اور کوئی افتاد بھی ہے
ایک تو یہ حکم ہے حد میں رہوں میں
اور اس پر شعر کا ارشاد بھی ہے
ہاتھ نے چھوڑا ہے اور آنکھوں نے جکڑا
قید میں بھی ہے مگر آزاد بھی ہے
ساتھ بھی ہے اور مجھ سے دور بھی ہے
خواب جیسا ہے ، مرا ہمزاد بھی ہے
بے رخی سے مار دے، چُھو کر جِلائے
وہ مسیحا بھی ہے اور جلاد بھی ہے
اس زمانے سے عجب رشتہ ہے میرا
گو کہ دشمن ہے ، مگر استاد بھی ہے
Raat aur phir is pe teri yaad bhi hai
Raat aur phir is pe teri yaad bhi hai
Dil ke hai barbaad aur aabaad bhi hai
Chaand hai ya hai koi armaan nikla
Chaandni hai aur koi iftaad bhi hai
Ek toh yeh hukm hai hadd mein rahoon main
Aur is par sher ka irshaad bhi hai
Haath ne chhoda hai aur aankhon ne jakḍa
Qaid mein bhi hai magar aazaad bhi hai
Saath bhi hai aur mujh se door bhi hai
Khwab jaisa hai, mera hamzaad bhi hai
Be-rukhi se maar de, chhu kar jilaaye
Woh maseeha bhi hai aur jallad bhi hai
Is zamane se ajab rishta hai mera
Go ke dushman hai, magar ustaad bhi hai
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں