رباعیات — راشد ڈوگر
شاعر
رباعیات
باطل ہے مقابل؟ رہے بسمِ اللّٰہ
حق قائم و دائم ہے، بِإِذْنِ اللّٰہ
ہے خوف کسی کا نہ کوئی حُزن و ملال
لا حَوْلَ وَلا قوُّةَ اِلّا اللّٰہ
----------------
کل ایک ستارہ تھا کہ جُھلسا دیکھا
اور ایک سمندر تھا کہ ڈُوبا دیکھا
کل ایک کہانی تھی کہ مِٹتی دیکھی
اور ایک تماشا تھا کہ تنہا دیکھا
----------------
وہ شاملِ محفل تو ہے، لیکن چپ ہے
کچھ کہنے پہ مائل تو ہے، لیکن چپ ہے
کیا کیجیے اب ایسی مسیحائی کا؟
وہ واقفِ مشکل تو ہے ، لیکن چپ ہے
-------------
گمان و یقیں
اکثر ہی یہ سوچوں میں کہِیں ہوں کہ نہیں
میں اور کہِیں ہُوں کہ یہِیں ہُوں، کہ نہیں
اس بات کا تو مجھ کو یقیں ہے، کہ تُو ہے
اس بات کا ادراک نہیں، ہُوں کہ نہیں
--------------
حسرتِ دل کہ ملیں حضرتِ دِل
اُس دل میں کئی راز نہاں رہتے ہیں
سُنتے ہیں کہ "وہ" خود بھی وہاں رہتے ہیں
تسلیم ہمیں ساری یہ باتیں، لیکن
یہ حضرتِ دل جانے کہاں رہتے ہیں؟
Rubaiyat
Batil hai muqabil? Rahe Bismillah
Haq qaim o daaim hai, bi-iznillah
Hai khauf kisi ka na koi huzn o malal
La hawla wa la quwwata illa billah
----------------
Kal ek sitara thha ke jhulsaya dekha
Aur ek samundar thha ke dooba dekha
Kal ek kahani thi ke mitti dekhi
Aur ek tamasha thha ke tanha dekha
----------------
Woh shamil-e-mehfil to hai, lekin chup hai
Kuchh kehne pe maayil to hai, lekin chup hai
Kya kijiye ab aisi Maseehai ka?
Woh waqif-e-mushkil to hai, lekin chup hai
-------------
Guman-o-yaqeen
Aksar hi yeh sochoon mein kahin hoon ke nahin
Main aur kahin hoon ke yahin hoon, ke nahin
Is baat ka to mujh ko yaqeen hai, ke tu hai
Is baat ka idraak nahin, hoon ke nahin
--------------
Hasrat-e-dil ke milein Hazrat-e-dil
Us dil mein kayi raaz nihan rehte hain
Sunte hain ke "woh" khud bhi wahan rehte hain
Tasleem hamein saari yeh baatein, lekin
Yeh Hazrat-e-dil jaane kahan rehte hain?
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں