سب کے باہر جگ مگ جگ مگ،اندر گھور اندھیرا ہے — راشد ڈوگر
شاعر
سب کے باہر جگ مگ جگ مگ،اندر گھور اندھیرا ہے
سب کے باہر جگ مگ جگ مگ،اندر گھور اندھیرا ہے
سب کی راتیں چاند سے خالی، سب کا ماند سویرا ہے
سب کو دُکھ کے سانپ نے سونگھا، سب کے سینے گھائل ہیں
سب کے سُکھ پرلوک سدھارے، سب کے ساتھ لٹیرا ہے
سب کی جِیب پہ کڑوا کھاجا، سب کا بھوجن باسی ہے
سب کے تن پر مُونج کے کپڑے، سب کا گُٹھن بسیرا ہے
سب کی سانسیں اکھڑی اکھڑی، سب کی نیندیں اجڑی ہیں
سب بِسْواس میں کچے برتن، سب کو شک نے گھیرا ہے
سب کو سچ اور جھوٹ کے بِھیتر، کوئی انتر نہ سوجھے
سب کی آنکھیں رنگ کی اندھی، ہر کوئی مُوت مچھیرا ہے
سب کو سب ہی دُشمن سمجھیں، سب کے ساجن روٹھ گئے
سب ہی سب کو بِین سنائیں، ہر کوئی سانپ سپیرا ہے
سب کی سب ہی جانیں راشد ، تم بن کر انجان رہو
پیچھے مِیت کے چلتے جاؤ، اُس کا رستہ، تیرا ہے
Sab ke baahar jag mag jag mag, andar ghoor andhera hai
Sab ke baahar jag mag jag mag, andar ghoor andhera hai
Sab ki raatein chaand se khaali, sab ka maand sawera hai
Sab ko dukh ke saanp ne soongha, sab ke seene ghaayal hain
Sab ke sukh par lok sidhare, sab ke saath lutera hai
Sab ki jeeb pe kadwa khaaja, sab ka bhojan baasi hai
Sab ke tan par moonj ke kapde, sab ka ghuthan basera hai
Sab ki saansen ukhdi ukhdi, sab ki neenden ujdi hain
Sab biswaas mein kache bartan, sab ko shak ne ghera hai
Sab ko sach aur jhoot ke bheetar, koi antar na soojhe
Sab ki aankhen rang ki andhi, har koi moot machhera hai
Sab ko sab hi dushman samjhen, sab ke saajan rooth gaye
Sab hi sab ko been sunaayen, har koi saanp sapera hai
Sab ki sab hi jaanen Rashid, tum ban kar anjaan raho
Peechhe meet ke chalte jaao, us ka rasta, tera hai
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں