یہ زندگی کے ماہ و سال، “حال” میں گزر گئے

یہ زندگی کے ماہ و سال، “حال” میں گزر گئے
جو حال میں نہیں تھے وہ زوال میں گزر گئے
جو خار تھے وہ پُھول ہیں، جو خواب تھے وہ دُھول ہیں
جلال میں گزر گئے جمال میں گزر گئے
نگاہ کی کجی تھی اور دماغ کا فتُور تھا
جو دیکھنے میں پست تھے، کمال میں گزر گئے
جواب میرے پاس تھا، میں آپ لاجواب تھا
ستم کہ میرے سارے پل سوال میں گزر گئے
بچے کُھچے یہ شعر ہیں جو شاملِ کلام ہیں
جو حاصلِ کلام تھے، خیال میں گزر گئے

Yeh zindagi ke mah-o-saal, “haal” mein guzar gaye

Yeh zindagi ke mah-o-saal, “haal” mein guzar gaye
Jo haal mein nahin the woh zawaal mein guzar gaye
Jo khaar the woh phool hain, jo khwab the woh dhool hain
Jalal mein guzar gaye jamaal mein guzar gaye
Nigah ki kaji thi aur dimagh ka futoor tha
Jo dekhne mein past the, kamaal mein guzar gaye
Jawab mere paas tha, main aap lajawab tha
Sitam ke mere saare pal sawal mein guzar gaye
Bache khuche yeh sher hain jo shamil-e-kalaam hain
Jo hasil-e-kalaam the, khayal mein guzar gaye

شاعر کے بارے میں

شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ

مکمل تعارف پڑھیں

یہ زندگی کے ماہ و سال، “حال” میں گزر گئے — راشد ڈوگر

شاعر