جب خزاں آئے تو پتے نہ ثمر بچتا ہے — رحمان فارس
شاعر
جب خزاں آئے تو پتے نہ ثمر بچتا ہے
جب خزاں آئے تو پتے نہ ثمر بچتا ہے
خالی جھولی لئے ویران شجر بچتا ہے
نکتہ چیں شوق سے دن رات مرے عیب نکال
کیونکہ جب عیب نکل جائیں ہنر بچتا ہے
سارے ڈر بس اسی ڈر سے ہیں کہ کھو جائے نہ یار
یار کھو جائے تو پھر کون سا ڈر بچتا ہے
روز پتھراؤ بہت کرتے ہیں دنیا والے
روز مر مر کے مرا خواب نگر بچتا ہے
غم وہ رستہ ہے کہ شب بھر اسے طے کرنے کے باد
صبح دم دیکھیں تو اتنا ہی سفر بچتا ہے
بس یہی سوچ کے آیا ہوں تری چوکھٹ پر
در بدر ہونے کے بعد اک یہی در بچتا ہے
اب مرے عیب زدہ شہر کے شر سے صاحب
شاذ و نادر ہی کوئی اہل ہنر بچتا ہے
عشق وہ علم ریاضی ہے کہ جس میں فارس
دو سے جب ایک نکالیں تو صفر بچتا ہے
Jab khizāñ āye to patte na samar bachṭā hai
Jab khizāñ āye to patte na samar bachṭā hai
Khālī jholī liye vīrān shajar bachṭā hai
Nukta-chīñ shauq se din rāt mere aib nikāl
Kyuñ-ki jab aib nikal jāeñ hunar bachṭā hai
Sāre ḍar bas isī ḍar se haiñ ki kho jāe na yār
Yār kho jāe to phir kaun sā ḍar bachṭā hai
Roz pattharā'o bahut karte haiñ duniyā wāle
Roz mar mar ke merā khwāb nagar bachṭā hai
Gham vah rasta hai ki shab bhar use tai karne ke ba'ad
Subah dam dekheñ to itnā hī safar bachṭā hai
Bas yahī soch ke āyā huuñ terī chaukhaṭ par
Dar ba-dar hone ke ba'ad ik yahī dar bachṭā hai
Ab mere aib-zada shahar ke shar se sāhib
Shāz o nādir hī koī ahl-e-hunar bachṭā hai
Ishq vah ilm-e-riyāzī hai ki jis mein Fārisؔ
Do se jab ek nikāleñ to sifar bachṭā hai
شاعر کے بارے میں
رحمان فارس روزگار کے اعتبار سے سول سروس آف پاکستان سے مُنسلک ہیں۔ آج کل ایڈیشینل کمشنر ان لینڈ ریوینیو اسلام آباد تعینات ہیں۔ شاعری کا اولین مجموعہ...
مکمل تعارف پڑھیں