آہ کی ضرب سے کب قُفلِ فنا ٹُوٹتا ہے! — سعید شارق
شاعر
آہ کی ضرب سے کب قُفلِ فنا ٹُوٹتا ہے!
آہ کی ضرب سے کب قُفلِ فنا ٹُوٹتا ہے!
ایسے جھونکوں سے تو بس برگِ صدا ٹُوٹتا ہے
کیسا رشتہ ہے مِرا! خواب کے گُلدانوں سے
جو پٹختا ہوں پُرانا تو نیا ٹُوٹتا ہے
ٹھیک ہوں مَیں تو یہ تاریک دراڑیں کیسی؟
نقش در نقش پسِ آئنہ کیا ٹُوٹتا ہے؟
اتنا بکھراؤ تو ممکن نہیں ہم دونوں کا!
لازماً کوئی ہمارے بھی سوا ٹُوٹتا ہے
سامنے گُھورتی دلدل ہے ، عقب میں سائے
جانے اب راہ نکلتی کہ عصا ٹُوٹتا ہے!
کیسا یکجا ہوں میں ان بکھرے ہوئے لوگوں میں!
کوئی تو ہے جو کہِیں میری جگہ ٹُوٹتا ہے!
Aah ki zarb se kab qufl-e-fana toot'ta hai!
Aah ki zarb se kab qufl-e-fana toot'ta hai!
Aise jhonkon se to bas barg-e-sada toot'ta hai
Kaisa rishta hai mera! Khwab ke guldanoon se
Jo patakhta hoon purana to naya toot'ta hai
Theek hoon main to ye tareekh daraadein kaisi?
Naqsh dar naqsh pas-e-aaina kya toot'ta hai?
Itna bikhraw to mumkin nahin hum dono ka!
Lazman koi hamare bhi siwa toot'ta hai
Samne ghoorti daldal hai, aqab mein saaye
Jaane ab raah nikalti ke asa toot'ta hai!
Kaisa yakja hoon main in bikhre hue logon mein!
Koi to hai jo kahin meri jagah toot'ta hai!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں