عجب موجودگی ہے جو کمی پر مشتمل ہے — سعید شارق
شاعر
عجب موجودگی ہے جو کمی پر مشتمل ہے
عجب موجودگی ہے جو کمی پر مشتمل ہے
کسی کا شور میری خامشی پر مشتمل ہے
اندھیری صبح ویراں رات یا شام فسردہ
مرا ہر لمحہ ان میں سے کسی پر مشتمل ہے
نہیں مل پاتی کوئی بھی ہنسی میری ہنسی میں
یہ واحد رنج ہے جو رنج ہی پر مشتمل ہے
چمک اٹھتا ہے اک بھولا ہوا چہرہ اچانک
نہ جانے تیرگی کس روشنی پر مشتمل ہے
سراب خواب دیکھوں یا اڑاؤں خاک اپنی
یہ صحرا اک مکاں اور اک گلی پر مشتمل ہے
ورق کھلتے ہی کتنی تتلیاں اڑتی ہیں شارقؔ
اگرچہ باغ اک سوکھی کلی پر مشتمل ہے
Ajab Maujoodgi Hai Jo Kami Par Mushtamil Hai
Ajab maujoodgi hai jo kami par mushtamil hai
Kisi ka shor meri khamoshi par mushtamil hai
Andheri subah, veeran raat ya sham-e-fasurda
Mera har lamha un mein se kisi par mushtamil hai
Nahin mil paati koi bhi hansi meri hansi mein
Yeh wahid ranj hai jo ranj hi par mushtamil hai
Chamak uthta hai ik bhoola hua chehra achaanak
Na jaane teergi kis roshni par mushtamil hai
Sarab-e-khwab dekhun ya udaon khaak apni
Yeh sahra ik makaan aur ik gali par mushtamil hai
Waraq khulte hi kitni titliyan udti hain Shariq!
Agarchay baagh ik sookhi kali par mushtamil hai
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں