عجب نہیں کہ برس جائے ابر ، چھائے بغیر — سعید شارق
شاعر
عجب نہیں کہ برس جائے ابر ، چھائے بغیر
عجب نہیں کہ برس جائے ابر ، چھائے بغیر
رُلا بھی سکتا ہوں تجھ کو مَیں یاد آئے بغیر
کہانی سُنتے ہوئے لوگ راکھ ہوتے گئے
الاؤ جلتا رہا لکڑیاں جلائے بغیر
وہ شخص بھی مجھے بالکل کہاں بدل پایا!
نئی حویلی بنائی کھنڈر کو ڈھائے بغیر
کوئی اُداس مکاں تنگ پڑنے لگتا ہے
سو اب گلی سے گُزرتا ہوں گنگنائے بغیر
یہ اب کُھلا کہ مَیں سایہ ہوں اور کُچھ بھی نہیں
گزر گیا ہے وہ آخر، مجھے ہٹائے بغیر!
نہ جانے کس لیے رہ رہ کے ہاتھ مَلتا ہوں!
کُچھ اور پائے بغیر اور کُچھ گنوائے بغیر
Ajab nahin ke baras jaaye abr, chhaye baghair
Ajab nahin ke baras jaaye abr, chhaye baghair
Rula bhi sakta hoon tujh ko main yaad aaye baghair
Kahani sunte hue log raakh hote gaye
Alao jalta raha lakdiyan jalaaye baghair
Wo shakhs bhi mujhe bilkul kahan badal paaya!
Nayi haweli banayi khandhar ko dhaaye baghair
Koi udaas makaan tang padne lagta hai
So ab gali se guzarta hoon gungunaye baghair
Ye ab khula ke main saaya hoon aur kuch bhi nahin
Guzar gaya hai wo aakhir, mujhe hataaye baghair!
Na jaane kis liye reh reh ke haath malta hoon!
Kuch aur paaye baghair aur kuch ganwaaye baghair
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں