بہت امید تھی وابستہ رہ گزار کے ساتھ — سعید شارق
شاعر
بہت امید تھی وابستہ رہ گزار کے ساتھ
بہت امید تھی وابستہ رہ گزار کے ساتھ
سو دل بھی بیٹھتا جاتا ہے اب غبار کے ساتھ
پٹخ چکی ہے مری ناؤ کو چٹان مگر
میں گر رہا ہوں ابھی تک اس آبشار کے ساتھ
شجر کا راج نہ تھا ابر کا رواج نہ تھا
پھر ایک پھول ملا باد ریگ زار کے ساتھ
کسے خبر کہ نوالہ ہے کس اندھیرے کا
جو خواب دیکھتا ہوں چشم آب دار کے ساتھ
سفر کیا تھا کسی اور زندگی کے لیے
مگر پلٹنا پڑا شام انتظار کے ساتھ
کسی مدار کے دھوکے میں بے خبر شارقؔ
الجھ رہے ہیں ستارے مرے حصار کے ساتھ
Bahut ummeed thi wabasta rah-guzar ke saath
Bahut ummeed thi wabasta rah-guzar ke saath
So dil bhi baithta jata hai ab ghubar ke saath
Patakh chuki hai meri nao ko chatan magar
Main gir raha hoon abhi tak us aabshaar ke saath
Shajar ka raaj na tha abr ka riwaj na tha
Phir ek phool mila baad-e-regzaar ke saath
Kise khabar ke niwala hai kis andhere ka
Jo khwab دیکھتا hoon chashm-e-aab-daar ke saath
Safar kiya tha kisi aur zindagi ke liye
Magar palatna pada shaam-e-intizaar ke saath
Kisi madaar ke dhoke mein bekhabar Shariq!
Ulajh rahe hain sitare mere hisaar ke saath
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں