بہت اُمید تھی وابستہ رہ گزار کے ساتھ — سعید شارق
شاعر
بہت اُمید تھی وابستہ رہ گزار کے ساتھ
بہت اُمید تھی وابستہ رہ گزار کے ساتھ
سو دل بھی بیٹھتا جاتا ہے اب غبار کے ساتھ
گزر رہا ہے کن انکھیوں سے دیکھتا پت جھڑ
ہمارا کوئی تعلق تو ہے بہار کے ساتھ
پٹخ چکی ہے مری ناؤ کو چٹان، مگر
میں گِر رہا ہوں ابھی تک اُس آبشار کے ساتھ
عجب نہیں کہ گِنا جائے موتیوں میں انھیں
جو خواب دیکھتا ہوں چشمِ آب دار کے ساتھ
سفر کِیا تھا کسی عمرِ جاوداں کے لیے
مگر پلٹنا پڑا شامِ انتظار کے ساتھ
شجر کا راج نہ تھا، ابر کا رواج نہ تھا
پھر ایک پُھول ملا بادِ ریگ زار کے ساتھ
کسی مدار کے دھوکے میں، بے خبر، شارقؔ
اُلجھ رہے ہیں ستارے مرے حصار کے ساتھ
Bohat ummeed thi wabasta rahguzar ke saath
Bohat ummeed thi wabasta rahguzar ke saath
So dil bhi baithta jaata hai ab ghubar ke saath
Guzar raha hai kin ankhiyon se dekhta patjhad
Hamara koi taalluq to hai bahar ke saath
Patakh chuki hai meri naao ko chataan, magar
Main gir raha hoon abhi tak us aabshaar ke saath
Ajab nahin ke gina jaaye motiyon mein unhain
Jo khwab dekhta hoon chashm-e-aab-daar ke saath
Safar kiya tha kisi umr-e-javidaan ke liye
Magar palatna pada shaam-e-intezaar ke saath
Shajar ka raaj na tha, abr ka riwaaj na tha
Phir ek phool mila baad-e-regzaar ke saath
Kisi madaar ke dhoke mein, bekhabar, Shariq!
Uljh rahe hain sitaare mere hisaar ke saath
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں