بُجھا دِیا بھی الاؤ محسوس ہو رہا ہے — سعید شارق
شاعر
بُجھا دِیا بھی الاؤ محسوس ہو رہا ہے
بُجھا دِیا بھی الاؤ محسوس ہو رہا ہے
ہٙوا کو میرا پڑاؤ محسوس ہو رہا ہے
یونہی سمندر کا دھیان آیا تھا بیٹھے بیٹھے
ہرا بھرا پیڑ ناؤ محسوس ہو رہا ہے
مٙیں ایک صحرا، جو دُور سے دیکھتا ہوں دریا
اور اب مجھے بھی کٹاؤ محسوس ہو رہا ہے
عجب طرح سے مجھے ثمربار کر گیا وہ
بغیر پھل کے جھکاؤ محسوس ہو رہا ہے
جو زخم تازہ لگے ہیں ان کی نہیں ہے پروا
جو مندمل ہے وہ گھاؤ محسوس ہو رہا ہے
سیاہ روزن تو مٙیں ہوں وہ تو ستارہ ٹھہرا
تو پھر مجھے کیوں کھنچاؤ محسوس ہو رہا ہے!
چھڑا چکا ہوں میں غم کے بازو سے اپنی گردن
مگر ابھی تک دباؤ محسوس ہو رہا ہے
Bujha diya bhi alao mehsoos ho raha hai
Bujha diya bhi alao mehsoos ho raha hai
Hawa ko mera padao mehsoos ho raha hai
Yunhi samandar ka dhyan aaya tha baithe baithe
Hara bhara peed naao mehsoos ho raha hai
Main ek sahra, jo door se dekhta hoon darya
Aur ab mujhe bhi katao mehsoos ho raha hai
Ajab tarah se mujhe samarbār kar gaya woh
Baghair phal ke jhukao mehsoos ho raha hai
Jo zakhm taaza lage hain un ki nahin hai parwa
Jo mundamil hai woh ghao mehsoos ho raha hai
Siyah rozan to main hoon woh to sitara thehra
To phir mujhe kyun khinchao mehsoos ho raha hai!
Chura chuka hoon main gham ke baazu se apni gardan
Magar abhi tak dabao mehsoos ho raha hai
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں