چیخ اُٹھّے پیڑ، کانپ گیا کوہسار تک — سعید شارق
شاعر
چیخ اُٹھّے پیڑ، کانپ گیا کوہسار تک
چیخ اُٹھّے پیڑ، کانپ گیا کوہسار تک
یُوں گُرگِ غم گھسیٹتا لایا ہے غار تک
دریائے شب کے پار گِرا ہے وہ مُرغِ خواب
کیسے پہنچ سکوں گا مَیں اپنے شکار تک!
جانے نشستِ ہست مِلے گی بھی یا نہیں!
آ تو گیا ہوں بِھیڑ بھری رہ گزار تک!
دُکھ جاتے جاتے جائے گا تنہا اُڑان کا
بالفرض مَیں پہنچ بھی گیا اپنی ڈار تک
ایسے پلک جھپکتے ہی مُرجھا گیا ہوں مَیں
ششدر ہے مجھ کو دیکھ کے ابرِ بہار تک
ہوتی ہے اپنے بعد کہِیں ابتدا مِری
تکنے کا شوق ہے تو مِرے آرپار، تک!
دیوار ہی فقط نہیں سمجھا مجھے، جہان
چسپاں کیے ہوئے ہیں کئی اشتہار تک
دِل کے بجائے مجھ میں دھڑکتی ہے اب مشین
ہر صبح پونے آٹھ سے دن ساڑھے چار تک
Cheekh utthay peṛ, kaanp gaya kohsaar tak
Cheekh utthay peṛ, kaanp gaya kohsaar tak
Yooñ gurg-e-gham ghaseeṭta laaya hai ghaar tak
Darya-e-shab ke paar gira hai woh murgh-e-khwab
Kaise pahuñch sakoonga maiñ apne shikar tak!
Jaane nashist-e-hast milegi bhi ya nahiñ!
Aa toh gaya hooñ bheeṛ bhari rah guzaar tak!
Dukh jaate jaate jaaye ga tanha uṛaan ka
Bilfarz maiñ pahuñch bhi gaya apni daar tak
Aise palak jhapakte hi murjha gaya hooñ maiñ
Shashdar hai mujh ko dekh ke abr-e-bahar tak
Hoti hai apne baad kahin ibteda miri
Takne ka shauq hai toh mire aarpār, tak!
Deewar hi faqat nahiñ samjha mujhay, jahaań
Chaspaań kiye hue hain kai ishtehaar tak
Dil ke bajaye mujh mein dhaṛakti hai ab machine
Har subah paune aath se din saaṛhe chaar tak
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں