دیکھ پائے تو کرے کوئی پذیرائی بھی — سعید شارق
شاعر
دیکھ پائے تو کرے کوئی پذیرائی بھی
دیکھ پائے تو کرے کوئی پذیرائی بھی
میں تماشا بھی ہوں اور اس کا تماشائی بھی
کون سمجھے مری آبادی و ویرانی کو
جھیل کی سطح پہ کشتی بھی ہے اور کائی بھی
قفس وصل میں سب شور ہمارا تو نہیں
پھڑپھڑاتا ہے بہت طائر تنہائی بھی
اب اداسی کسی دیرینہ نشے کے مانند
میری کمزوری بھی ہے اور توانائی بھی
کتنی لہریں تھیں جو مشترکہ تھیں ہم دونوں میں
سو ترے ساتھ ہوئی کم مری گہرائی بھی
اب میں کانوں پہ رکھوں ہاتھ کہ آنکھوں پہ رکھوں
شور اتنا ہے کہ لے جائے گا بینائی بھی
بانسری کی وہی آواز سناتے ہیں مجھے
ڈھول بھی پیانو بھی سارنگی بھی شہنائی بھی
میں نے تحفے میں نئے رنج کی چادر شارقؔ
صرف لائی ہی نہیں خود اسے پہنائی بھی
Dekh Paaye To Kare Koi Pazeerai Bhi
Dekh paaye to kare koi pazeerai bhi
Main tamasha bhi hoon aur us ka tamashai bhi
Kaun samjhe meri abaadi o veerani ko
Jheel ki satah pe kashti bhi hai aur kai bhi
Qafas-e-wasl mein sab shor hamara to nahin
Phadphadata hai bahut tair-e-tanhai bhi
Ab udaasi kisi deereena nashe ke manind
Meri kamzori bhi hai aur tawanai bhi
Kitni lehrein thin jo mushtarika thin hum dono mein
So tere saath hui kam meri gehrai bhi
Ab main kaanon pe rakhun haath ke aankhon pe rakhun
Shor itna hai ke le jaayega beenai bhi
Bansuri ki wahi awaaz sunate hain mujhe
Dhol bhi, piano bhi, sarangi bhi, shehnai bhi
Main ne tohfe mein naye ranj ki chadar Shariq!
Sirf laayi hi nahin khud use pehnai bhi
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں