دِن کی دیوار گِری ، شب کے در و بام بنے — سعید شارق
شاعر
دِن کی دیوار گِری ، شب کے در و بام بنے
دِن کی دیوار گِری ، شب کے در و بام بنے
دیکھتے دیکھتے ہم لقمۂ ایّام بنے
خستگی ایسی کہ رستے ہی میں دم توڑ دیا
اشک بن تو گئے عُجلت میں مگر خام بنے
رات اور صُبح کی تصویروں کے ٹُکڑے کر دُوں
اور پھر جوڑ کے دیکھوں تو وہی شام بنے
جانے سینے میں اندھیرا تھا کہ آنکھوں میں کہِیں!
جو ستارے بھی بنے مجھ سے ، سیہ فام بنے
کیوں نہ دیوارِ سماعت پہ پٹخ دُوں، شارقؔ
اس سے پہلے کہ یہ آواز بھی کہرام بنے
Din ki deewar giri, shab ke dar-o-baam bane
Din ki deewar giri, shab ke dar-o-baam bane
Dekhte dekhte hum luqma-e-ayyam bane
Khastagi aisi ke raste hi mein dam tod diya
Ashk ban to gaye ujlat mein magar khaam bane
Raat aur subh ki tasweeron ke tukde kar doon
Aur phir jod ke dekhoon to wahi shaam bane
Jaane seene mein andhera tha ke aankhon mein kahin!
Jo sitare bhi bane mujh se, siyah-faam bane
Kyun na deewar-e-sama'at pe patakh doon, Shaariq!
Is se pehle ke ye awaaz bhi kohraam bane
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں