گُزر نہ جائے سماعت کے سرد خانوں سے! — سعید شارق
شاعر
گُزر نہ جائے سماعت کے سرد خانوں سے!
گُزر نہ جائے سماعت کے سرد خانوں سے!
یہ بازگشت ، جو چِپکی ہوئی ہے کانوں سے
کھرا نہیں تھا مگر ایسا رائگاں بھی نہ تھا
وہ سکّہ ڈھونڈ کے اب لاؤں کِن خزانوں سے!
کھنچے رہیں گے لبوں پر یہ قہقہے کب تک!
یہ تِیر چُھوٹ نہ جائیں کہِیں کمانوں سے!
یہ چشمِ ابر کا پانی ، یہ نخلِ مہر کے پات
اُتر رہا ہے مِرا رزق آسمانوں سے
جو در کھُلے ہیں کبھی بند کیوں نہیں ہوتے
یہ پوچھتا ہی کہاں ہے کوئی ، مکانوں سے!
اُتار پھینکا بدن سے لباس تک ، شارقؔ
مگر یہ بوجھ کہ ہٹتا نہیں ہے شانوں سے!
Guzar na jaaye sama'at ke sard khanoon se!
Guzar na jaaye sama'at ke sard khanoon se!
Ye bazgasht, jo chipki hui hai kaanoon se
Khara nahin tha magar aisa raigaan bhi na tha
Wo sikka dhoond ke ab laaun kin khazanoon se!
Khanche rahenge labon par ye qahqahe kab tak!
Ye teer chhoot na jaaein kahin kamanon se!
Ye chashm-e-abr ka paani, ye nakhl-e-mehr ke paat
Utar raha hai mera rizq aasmanoon se
Jo dar khule hain kabhi band kyun nahin hote
Ye poochhta hi kahan hai koi, makaanoon se!
Utar phenka badan se libas tak, Shaariq!
Magar ye bojh ke hatta nahin hai shanoon se!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں