گُزرا ہے کیسا وقت مِری کائنات سے! — سعید شارق
شاعر
گُزرا ہے کیسا وقت مِری کائنات سے!
گُزرا ہے کیسا وقت مِری کائنات سے!
ٹکرا گیا ہے دِن مِرے اندر کی رات سے
لَوحِ نظر پہ لِکھتے ہُوئے اِک سُنہری لَفظ
کُچھ رَوشنائی گِر پڑی دِل کی دَوات سے
میرے سِوا نہیں ہے کوئی رَہ گُزارِ غَم
یہ بَرقی رو گُزرتی ہے بَس ایک دھات سے
جیسے پرندہ مار گِرائے جَہاز کو
مَیں ڈھ کے رہ گیا ہوں کِسی اُڑتی بات سے
رَوشَن رہے گی یاد کی کِرنوں سے جھونپڑی
اِک دُھوپ چھن کے آتی رہے گی قَنات سے
خاموشیوں کی بِھیڑ میں یہ ڈَولتے قدم۔۔۔
آواز گِر نہ جائے سماعت کے ہات سے
کون اپنی چھان بین کرے! وہ بھی روز روز!
مَیں تنگ پڑ چُکا ہوں اَب اپنی جہات سے
دُھلنے لگے ہیں ابرِ نِگَہ سے تمام نقش
غازہ اُتر رہا ہے رُخِ کائنات سے
ہر ہَفتہ مُجھ کو کاٹتے کَٹ جاتا ہے، سَعید
تَقسیم ہو رہا ہوں لگا تار، سات سے
Guzra hai kaisa waqt meri kaaynaat se!
Guzra hai kaisa waqt meri kaaynaat se!
Takra gaya hai din mere andar ki raat se
Loh-e-nazar pe likhte hue ik sunheri lafz
Kuch roshnaayi gir padi dil ki dawaat se
Mere siwa nahin hai koi rehguzar-e-gham
Yeh barqi ro guzarti hai bas ek dhaat se
Jaise parinda maar giraaye jahaz ko
Main dhah ke reh gaya hoon kisi udti baat se
Roshan rahegi yaad ki kirnon se jhompdi
Ik dhoop chhan ke aati rahegi qanaat se
Khamoshiyon ki bheer mein yeh daulte qadam...
Aawaaz gir na jaaye samaat ke haath se
Kaun apni chhaan been kare! Woh bhi roz roz!
Main tang pad chuka hoon ab apni jihaat se
Dhulne lage hain abr-e-nigah se tamam naqsh
Ghazaa utar raha hai rukh-e-kaaynat se
Har hafta mujh ko kaat-te kat jaata hai, Saeed
Taqseem ho raha hoon laga-taar, saat se
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں