ہنسی کا فیصلہ یُوں کالعدم قرار دِیا — سعید شارق
شاعر
ہنسی کا فیصلہ یُوں کالعدم قرار دِیا
ہنسی کا فیصلہ یُوں کالعدم قرار دِیا
خُوشی مِلی تو اسے دِل نے غم قرار دِیا
عجب نظر تھی، اُچٹتی ہُوئی نظر، جِس نے
کبھی حقیر کبھی محترم قرار دِیا
یہ حسرتوں کی کنیزیں! غموں کے خواجہ سرا!
یہ کس نے دل کے محل کو حرم قرار دِیا!
وہ آنکھیں عام سہی، میں نے خاص گردانِیں
تہی گلاس کو بھی جامِ جم قرار دِیا
کبھی دُرست نہ ہونے دی زندگی کی لُغت
صحیح معنی کو سہوِ قلم قرار دِیا
کسی دوا سے بھی آتا نہیں تھا چین مُجھے
پھر اُس کے دُکھ نے مجھے ایک دم قرار دِیا
اسی لیے تو یہاں حبس اور اندھیرا ہے
وہ کم سُکون ہوا تھی، میں کم قرار دِیا
یہی مجوّزہ پرہیز ہے مجھے، شارِق
سو کیا عجب کہ محبّت کو سم قرار دِیا
Hansi ka faisla yun kala-adam qaraar diya
Hansi ka faisla yun kala-adam qaraar diya
Khushi mili to use dil ne gham qaraar diya
Ajab nazar thi, uchatti hui nazar, jis ne
Kabhi haqeer kabhi mohtaram qaraar diya
Yeh hasraton ki kaneezein! Ghamon ke khwaja-sara!
Yeh kis ne dil ke mahal ko haram qaraar diya!
Woh aankhein aam sahi, main ne khaas gardaanein
Tehi glass ko bhi jaam-e-jam qaraar diya
Kabhi durust na hone di zindagi ki lughat
Saheeh ma'ani ko sahv-e-qalam qaraar diya
Kisi dawa se bhi aata nahin tha chain mujhe
Pher us ke dukh ne mujhe ek dam qaraar diya
Isi liye to yahan habs aur andhera hai
Woh kam sukoon hawa thi, main kam qaraar diya
Yehi majawwaza parhez hai mujhe, Shariq!
So kya ajab ke mohabbat ko sam qaraar diya
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں