کئی نادیدہ جہانوں کی جگہ بن جائے — سعید شارق
شاعر
کئی نادیدہ جہانوں کی جگہ بن جائے
کئی نادیدہ جہانوں کی جگہ بن جائے
پھر بڑھے تیری کمی اور خلا بن جائے
ہاتھ رکھ لیتا ہوں کانوں پہ، اُسے سوچتے وقت
جانے یہ خامشی کس لمحے صدا بن جائے
سوچتے سوچتے گلدان ڈھلے، کیاری میں
دیکھتے دیکھتے ہی بلب دِیا بن جائے
دل کا بوجھ آن پڑا ایک ذرا سے غم پر
جیسے بچپن میں کوئی گھر کا بڑا بن جائے
اب تو جینے کے لیے آپ بھی تیّار ہوں مٙیں
بس تماشا ہی تو بننا ہے، سو کیا؟ بن جائے!
Kayi naadeeda jahanon ki jagah ban jaaye
Kayi naadeeda jahanon ki jagah ban jaaye
Phir badhe teri kami aur khala ban jaaye
Haath rakh leta hoon kaanon pe, use sochte waqt
Jaane yeh khamoshi kis lamhe sada ban jaaye
Sochte sochte guldaan dhale, kiyari mein
Dekhte dekhte hi bulb diya ban jaaye
Dil ka bojh aan pada ek zara se gham par
Jaise bachpan mein koi ghar ka bada ban jaaye
Ab to jeene ke liye aap bhi taiyyar hoon main
Bas tamasha hi to banna hai, so kya? ban jaaye!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں