خاک ہوتی ہوئی لہروں کی ہم آغوشی میں — سعید شارق
شاعر
خاک ہوتی ہوئی لہروں کی ہم آغوشی میں
خاک ہوتی ہوئی لہروں کی ہم آغوشی میں
ڈوبتا جاتا ہوں دریائے فراموشی میں
کبھی سناٹے کی تصویر کبھی چاپ کا عکس
کتنے منظر نظر آئے ہمہ تن گوشی میں
تیری آنکھیں ہیں نہاں میرے خد و خال کے ساتھ
تیری آواز چھپی ہے مری خاموشی میں
ڈھانپ سکتا تھا میں سینے کا کنواں بھی لیکن
خرچ ہوتا رہا آنکھوں کی خلا پوشی میں
چٹکیاں کاٹتی ہے روح بدن میں شارقؔ
چیختا ہے کوئی سایہ کبھی سرگوشی میں
Khaak hoti hui lehron ki ham-aaghoshi mein
Khaak hoti hui lehron ki ham-aaghoshi mein
Doobta jata hoon dariya-e-faramoshi mein
Kabhi sannate ki tasveer kabhi chaap ka aks
Kitne manzar nazar aaye hama tan gosh mein
Teri aankhen hain nihan mere khud o khaal ke saath
Teri awaaz chhupi hai meri khamoshi mein
Dhaanp sakta tha main seene ka kunwaan bhi lekin
Kharch hota raha aankhon ki khala-poshi mein
Chutkiyan kaat-ti hai rooh badan mein Shariq!
Cheekhta hai koi saya kabhi sargoshi mein
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں