کِس ابرِ رَواں کے سَر گئے ہیں! — سعید شارق
شاعر
کِس ابرِ رَواں کے سَر گئے ہیں!
کِس ابرِ رَواں کے سَر گئے ہیں!
وہ نالے جو بے اَثَر گئے ہیں
دیکھا ہے بہ غور جانے کِس نے!
تصویر کے زَخْم بَھر گئے ہیں
میں اور زمیں میں دھنس گیا ہوں
گَو قافلے تو گُزر گئے ہیں
یہ سانحہ، سانحہ کہاں ہے!
دِن رات یونہی ٹھہر گئے ہیں
اَخبار چھَپا ہُوا ہے دِل پَر
کہنے کو تو بے خَبَر گئے ہیں
گاڑی میں بیٹھے بیٹھے، شارِق
ہم دُور کہِیں اُتر گئے ہیں
Kis abr-e-rawan ke sar gaye hain!
Kis abr-e-rawan ke sar gaye hain!
Woh naale jo be asar gaye hain
Dekha hai ba ghaur jaane kis ne!
Tasveer ke zakhm bhar gaye hain
Main aur zameen mein dhans gaya hoon
Go qaafle toh guzar gaye hain
Yeh saaneha, saaneha kahan hai!
Din raat yunhi thehar gaye hain
Akhbar chhapa hua hai dil par
Kehne ko toh be khabar gaye hain
Gaadi mein baithe baithe, Shariq!
Hum door kahin utar gaye hain
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں