کس طرح کہہ دوں کہ اصلاً مَیں تھا! — سعید شارق
شاعر
کس طرح کہہ دوں کہ اصلاً مَیں تھا!
کس طرح کہہ دوں کہ اصلاً مَیں تھا!
یہ حقیقت ہے، مجازاً مَیں تھا
تُو یہ جس تخت پہ آ بیٹھا ہے
اس کا حقدار اُصولاً مَیں تھا
ہے کوئی جو مری تصدیق کرے؟
حَلَفاً کہتا ہوں ضمناً، مَیں تھا
سبھی ناراض تھے کل شب مجھ سے
اور اُن سب میں خصوصاً مَیں تھا
یہ الگ بات دِکھائی نہ دیا
ہاں! ترے ساتھ عموماً مَیں تھا
خاک در خاک نہ ڈھونڈا اُس نے
جسم کے بعد صریحاً مَیں تھا
وہ جو گزرا تھا گماں کے مانند؟
کیسی تشکیک! یقیناً مَیں تھا
بیچ دیوار تھی شرقاً غرباً
وہ شمالاً تھا، جنوباً مَیں تھا
یاد رکھا گیا جس کو: تم تھے
جو بھلایا گیا فوراً : مَیں تھا
Kis tarah keh doon ke aslan main tha!
Kis tarah keh doon ke aslan main tha!
Ye haqeeqat hai, majazan main tha
Tu ye jis takht pe aa baitha hai
Is ka haqdaar usoolan main tha
Hai koi jo meri tasdeeq kare?
Halafan kehta hoon zimnan, main tha
Sabhi naraaz the kal shab mujh se
Aur un sab mein khusoosan main tha
Ye alag baat dikhai na diya
Haan! Tere saath umooman main tha
Khaak dar khaak na dhoonda us ne
Jism ke baad sareehan main tha
Wo jo guzra tha gumaan ke maanind?
Kaisi tashkeek! Yaqeenan main tha
Beech deewar thi sharqan gharban
Wo shamalan tha, junooban main tha
Yaad rakha gaya jis ko: tum the
Jo bhulaya gaya fauran: main tha
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں