میری بلا سے ہو کوئی در پر، نہیں ہوں میں! — سعید شارق
شاعر
میری بلا سے ہو کوئی در پر، نہیں ہوں میں!
میری بلا سے ہو کوئی در پر، نہیں ہوں میں!
ویسے تو گھر ہوں آج مگر گھر نہیں ہوں میں
دل میں جزیرہ بھی ہے، خزانہ بھی، ناؤ بھی
یہ اور بات ہے کہ سمندر نہیں ہوں میں
ہے سامنا عجیب مساوات کا مجھے
تنہائی جمع یاد، برابر: نہیں ہوں میں
سہما ہُوا ہوں وقت کی مُٹّھی میں کِس لیے!
گوہر نہیں ہوں میں، کوئی کنکر نہیں ہوں میں
دستک پہ قُفل کھولنا چاہا تو یہ کُھلا
باہر کھڑا ہوں خواب سے، اندر نہیں ہوں میں
آرام کرتی رہتی ہے مجھ میں فسردگی
کہتا بھی ہوں کہ اُٹھ! کوئی بستر نہیں ہوں میں!
Meri bala se ho koi dar par, nahin hoon main!
Meri bala se ho koi dar par, nahin hoon main!
Waise to ghar hoon aaj magar ghar nahin hoon main
Dil mein jazira bhi hai, khazana bhi, nao bhi
Ye aur baat hai ke samandar nahin hoon main
Hai samna ajeeb musawaat ka mujhe
Tanhai jama yaad, barabar: nahin hoon main
Sehma hua hoon waqt ki mutthi mein kis liye!
Gauhar nahin hoon main, koi kankar nahin hoon main
Dastak pe qufl kholna chaha to ye khula
Bahar khada hoon khwab se, andar nahin hoon main
Aaraam karti rehti hai mujh mein fasurdagi
Kehta bhi hoon ke uth! Koi bistar nahin hoon main!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں