مجھ میں جتنے بھی ترے شہر ہیں، برباد کروں! — سعید شارق
شاعر
مجھ میں جتنے بھی ترے شہر ہیں، برباد کروں!
مجھ میں جتنے بھی ترے شہر ہیں، برباد کروں!
سوچتا ہوں کہ نئی بستیاں آباد کروں
چُپ ہی بیٹھا رہے، مجھ پر کوئی پھبتی نہ کَسے
میرے بس میں ہو تو وہ آئنہ ایجاد کروں
قفسِ دِل میں جگہ ایک ہی طائر کی ہے
مَیں کسے قید کروں اور کسے آزاد کروں!
خُود سے چُھپ کر تجھے سونپ آیا کلیدِ زنداں
اور کس طرح بھلا مَیں تری امداد کروں!
نخلِ غم کے لیے ناکافی رہا ہجر ترا
کیوں نہ اس کے لیے تیّار نئی کھاد کروں!
وقت کی گاچنی ملتی ہی نہیں ہے مجھ کو
کون سی تختی پہ لکھ کر مَیں تجھے یاد کروں!
Mujh mein jitne bhi tere shehr hain, barbaad karoon!
Mujh mein jitne bhi tere shehr hain, barbaad karoon!
Sochta hoon ke nayi bastiyan aabaad karoon
Chup hi baitha rahe, mujh par koi phabti na kase
Mere bas mein ho toh woh aaina ijaad karoon
Qafas-e-dil mein jagah ek hi tair ki hai
Main kise qaid karoon aur kise aazad karoon!
Khud se chhup kar tujhe saunp aaya kaleed-e-zindaan
Aur kis tarah bhala main teri imdaad karoon!
Nakhl-e-gham ke liye naakaafi raha hijr tera
Kyun na is ke liye taiyyar nayi khaad karoon!
Waqt ki gaachni milti hi nahin hai mujh ko
Kaun si takhti pe likh kar main tujhe yaad karoon!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں