نکالنے کو، وہی روز و شب، دفینے سے — سعید شارق
شاعر
نکالنے کو، وہی روز و شب، دفینے سے
نکالنے کو، وہی روز و شب، دفینے سے
اُتر رہا ہوں دبے پاؤں زینے زینے سے
خبر نہ تھی کہ جُھکا دے گا میرے شانوں کو
جو بوجھ گھٹتا چلا جا رہا تھا سینے سے
سمندروں پہ مری حکمرانی چلتی تھی
پھر ایک جل پری ٹکرا گئی سفینے سے
نہ ہاتھ رکھنے سے کاغذ خموش ہو پایا
نہ شور گھٹ سکا لفظوں کے ہونٹ سینے سے
مجھے تو کیا مری آنکھوں کو بھی خبر نہ ہوئی
بکھر رہا تھا مرا خواب کس قرینے سے
میں تیری یاد بھی دل سے نکالتا لیکن
لپٹ چُکا ہے کوئی اژدھا خزینے سے
Nikalne ko, wahi roz o shab, dafeene se
Nikalne ko, wahi roz o shab, dafeene se
Utar raha hoon dabe paaon zeene zeene se
Khabar na thi ke jhuka dega mere shanon ko
Jo bojh ghatta chala ja raha tha seene se
Samundaron pe meri hukmrani chalti thi
Phir ek jal-pari takra gai safeene se
Na haath rakhne se kaghaz khamosh ho paya
Na shor ghat saka lafzon ke honth seene se
Mujhe to kya meri aankhon ko bhi khabar na hui
Bikhar raha tha mera khwab kis qareene se
Main teri yaad bhi dil se nikalta lekin
Lipt chuka hai koi azhdaha khazeene se
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں