ردائے اشک میں لپٹی ہوئی نہیں لگتی — سعید شارق
شاعر
ردائے اشک میں لپٹی ہوئی نہیں لگتی
ردائے اشک میں لپٹی ہوئی نہیں لگتی
بغور دیکھ یہ میری ہنسی نہیں لگتی
نہ جانے کیسا مکاں بن رہا ہے سینے میں
سڑک تو کیا اسے کوئی گلی نہیں لگتی
نظر لگی ہے یہ کن زرد زرد آنکھوں کی
گیاہ خشک ہوں اور آگ بھی نہیں لگتی
نہیں ہوں منتظر اس ہاتھ کے پیالے کا
مگر یہ کیا کہ مجھے پیاس ہی نہیں لگتی
لہو میں تیرتا رہتا ہے اک اندھیرا دن
سو کوئی رات بھی مجھ کو نئی نہیں لگتی
Radaaye ashk mein liptee hui nahin lagti
Radaaye ashk mein liptee hui nahin lagti
Baghaur dekh ye meri hansee nahin lagti
Na jaane kaisa makaan ban raha hai seene mein
Sadak to kya اسے koi gali nahin lagti
Nazar lagi hai ye kin zard zard aankhon ki
Giyaah khushk hoon aur aag bhi nahin lagti
Nahin hoon muntazir us haath ke pyaale ka
Magar ye kya ke mujhe pyaas hi nahin lagti
Lahu mein tairta rehta hai ik andhera din
So koi raat bhi mujh ko nayi nahin lagti
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں