رخنوں میں اپنی راکھ کے ریزے سمو دیے — سعید شارق
شاعر
رخنوں میں اپنی راکھ کے ریزے سمو دیے
رخنوں میں اپنی راکھ کے ریزے سمو دیے
میں نے بھی کتنے دُکھ در و دیوار کو دیے!
ٹُوٹا پڑا تھا نیند کا دھاگا مِری طرح
سو میں نے اس میں خواب کے موتی پرو دیے
چہروں کی بِھیڑ کاٹتی گُزری مِری نگاہ
اور آتے آتے اُس کے خد و خال کھو دیے
پھر بھی میں تیری یاد نہ کر پایا زیبِ تن
ہر چند اس قبا کے سبھی داغ دھو دیے
اپنا بھی غم منایا ترے غم کے ساتھ ساتھ
اک طاق میں جلانا پڑے مجھ کو دو دِیے
پل بھر کو روشنی سی نظر آئی تھی کہ پِھر
اک شب نے میری آنکھوں میں ناخُن کھبو دیے
Rakhnon mein apni raakh ke reze samoo diye
Rakhnon mein apni raakh ke reze samoo diye
Main ne bhi kitne dukh dar-o-deewar ko diye!
Toota pada tha neend ka dhaaga meri tarah
So main ne is mein khwab ke moti pro diye
Chehron ki bheer kaatti guzri meri nigah
Aur aate aate us ke khad-o-khaal kho diye
Pher bhi main teri yaad na kar paaya zeb-e-tan
Har chand is qaba ke sabhi daagh dho diye
Apna bhi gham manaya tere gham ke saath saath
Ek taaq mein jalana pade mujh ko do diye
Pal bhar ko roshni si nazar aayi thi ke phir
Ek shab ne meri aankhon mein naakhun khabo diye
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں