روشن پہاڑیوں سے ادھر کوہ تار میں — سعید شارق
شاعر
روشن پہاڑیوں سے ادھر کوہ تار میں
روشن پہاڑیوں سے ادھر کوہ تار میں
کب تک پڑا رہوں گا اداسی کے غار میں
کیا جانے کب نکل پڑے کن جنگلوں کی سمت
یہ پیڑ اب نہیں ہے مرے اختیار میں
بیتے دنوں کی دھوپ سمٹنے کی دیر تھی
سایوں نے لے لیا مجھے اپنے حصار میں
بارش برس سکے تو چھٹے نیند کا غبار
آندھی رکے تو میں بھی کھلوں خواب زار میں
نیچے اترتے ہیں نہ کہیں اور جاتے ہیں
میں گھر گیا ہوں کیسے پرندوں کی ڈار میں
ایک ایک کر کے سارے مکیں سو چکے مگر
گھر جاگتا رہے گا مرے انتظار میں
Roshan pahadiyon se idhar koh-e-taar mein
Roshan pahadiyon se idhar koh-e-taar mein
Kab tak pada rahoonga udaasi ke ghaar mein
Kya jaane kab nikal pade kin jangalon ki simt
Ye ped ab nahin hai mere ikhtiyar mein
Beete dinon ki dhoop simatne ki der thi
Sayon ne le liya mujhe apne hisaar mein
Barish baras sake to chhate neend ka ghubar
Aandhi ruke to main bhi khuloon khwabzaar mein
Neeche utarte hain na kahin aur jaate hain
Main ghir gaya hoon kaise parindon ki daar mein
Ek ek kar ke saare makeen so chuke magar
Ghar jaagta rahega mere intizaar mein
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں