روشن پہاڑیوں سے اُدھر، کوہِ تار میں — سعید شارق
شاعر
روشن پہاڑیوں سے اُدھر، کوہِ تار میں
روشن پہاڑیوں سے اُدھر، کوہِ تار میں
کب تک پڑا رہوں گا اُداسی کے غار میں!
کیا جانے کب نِکل پڑے کِن جنگلوں کی سمت!
یہ پیڑ اب نہیں ہے مِرے اختیار میں
نیچے اُترتے ہیں نہ کہِیں اور جاتے ہیں
میں گِھر گیا ہوں کیسے پرندوں کی ڈار میں!
بارش برس سکے تو چھٹے نیند کا غُبار
آندھی رُکے تو میں بھی کِھلوں خواب زار میں
ایک ایک کر کے سارے مکیں سو چُکے مگر
گھر جاگتا رہے گا مِرے انتظار میں
Roshan pahadiyon se udhar, koh-e-taar mein
Roshan pahadiyon se udhar, koh-e-taar mein
Kab tak pada rahunga udaasi ke ghaar mein!
Kya jaane kab nikal pade kin jangalon ki simt!
Yeh ped ab nahin hai mere ikhtiyar mein
Neeche utarte hain na kahin aur jaate hain
Main ghir gaya hoon kaise parindon ki daar mein!
Barish baras sake toh chhute neend ka ghubaar
Aandhi ruke toh main bhi khiloon khwabzaar mein
Ek ek kar ke saare makeen so chuke magar
Ghar jaagta rahega mere intezaar mein
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں