تری رگ رگ میں زہرِ غم اُترنا چاہیے تھا — سعید شارق
شاعر
تری رگ رگ میں زہرِ غم اُترنا چاہیے تھا
تری رگ رگ میں زہرِ غم اُترنا چاہیے تھا
تُو کیسے بچ گیا ، تجھ کو تو مرنا چاہیے تھا!
بھلا یوں چھوڑ کر جاتا ہے اپنا آپ کوئی!
اُسے ایک ایک کمرا خالی کرنا چاہیے تھا
یہ اُٹھتی دُھول یہ قدموں کی دھیمی دھیمی آہٹ
وہ رستہ میرے سینے سے گزرنا چاہیے تھا
تری نظروں کا مرہم اور یوں بے کار جائے!
اگر یہ زخم ہے تو اِس کو بھرنا چاہیے تھا
جھکی جاتی ہے لفظوں کی کمر تو سوچتا ہوں
مجھے یہ بوجھ خاموشی پہ دھرنا چاہیے تھا
Teri rag rag mein zehr-e-gham utarna chahiye tha
Teri rag rag mein zehr-e-gham utarna chahiye tha
Tu kaise bach gaya, tujh ko to marna chahiye tha!
Bhala yun chhod kar jata hai apna aap koi!
Use ek ek kamra khali karna chahiye tha
Yeh uthti dhool yeh qadmon ki dheemi dheemi aahat
Woh rasta mere seene se guzarna chahiye tha
Teri nazron ka marham aur yun bekaar jaaye!
Agar yeh zakhm hai to is ko bharna chahiye tha
Jhuki jaati hai lafzon ki kamar to sochta hoon
Mujhe yeh bojh khamoshi pe dharna chahiye tha
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں