وہی چُبھتا ہے ، جو ایک آدھ کنارہ، ٹُوٹا — سعید شارق
شاعر
وہی چُبھتا ہے ، جو ایک آدھ کنارہ، ٹُوٹا
وہی چُبھتا ہے ، جو ایک آدھ کنارہ، ٹُوٹا
شیشہء خواب کہاں سارے کا سارا ٹُوٹا !
سوچتے سوچتے آنکھوں میں لگا سنگِ سرشک
دیکھتے دیکھتے اک اور نظارہ ٹُوٹا
خوفِ مسماری ہے کیا شے! کہ مٙیں الماری سے
ایک ہی بار گِرا اور دوبارہ ٹُوٹا
ضبط کی دھار بہت کُند تھی اور کرب گھنا
کاٹتے کاٹتے اس پیڑ کو آرا ٹُوٹا
اِس طرف بُوند گِری اُس کی سیہ پلکوں سے
اور اُدھر رات کی ٹہنی سے ستارہ ٹُوٹا
کتنی پھسلن تھی جدائی کی سڑک پر، شارق
روکتے روکتے گاڑی کو، اِشارہ ٹُوٹا
Wahi chubhta hai, jo ek aadh kinara, toota
Wahi chubhta hai, jo ek aadh kinara, toota
Sheesha-e-khwab kahan saare ka saara toota!
Sochte sochte aankhon mein laga sang-e-sarishk
Dekhte dekhte ek aur nazara toota
Khauf-e-mismari hai kya shai! Ke main almaari se
Ek hi baar gira aur dobara toota
Zabt ki dhaar bahut kund thi aur karb ghana
Kaat-te kaat-te is ped ko aara toota
Is taraf boond giri us ki siyah palkon se
Aur udhar raat ki tahni se sitara toota
Kitni phislan thi judai ki sadak par, Shariq
Rookte rookte gaadi ko, ishaara toota
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں