یہ شیر لقمہء گُرگِ فنا نہ بن جائے! — سعید شارق
شاعر
یہ شیر لقمہء گُرگِ فنا نہ بن جائے!
یہ شیر لقمہء گُرگِ فنا نہ بن جائے!
کہیں غزہ بھی اسی کی غذا نہ بن جائے!
بدل رہے ہیں خدوخال میرے لفظوں کے
سو ڈر رہا ہوں دُعا، بددُعا نہ بن جائے
جلا نہ دے کہیں تیزاب ساری دنیا کو!
یہ دُودِ آہ برستی گھٹا نہ بن جائے!
عقاب یُوں بھی تو اپنی شناخت بُھول چکا
سو ڈرتے ڈرتے کہیں فاختہ نہ بن جائے!
شہید ہونے لگے سب کے اکبر و اصغر!
یہ کائنات کہیں کربلا نہ بن جائے!
جُھلس نہ جائیں کہیں شعلہء نوا سے ہم!
یہ سرد چُپ کہیں جلتی صدا نہ بن جائے!
لگام ڈال دے نمرودِ نو کو بھی مالک!
یہ بے لحاظ کسی دن خُدا نہ بن جائے!
Yeh sher luqma-e-gurg-e-fana na ban jaaye!
Yeh sher luqma-e-gurg-e-fana na ban jaaye!
Kaheen ghiza bhi isi ki ghiza na ban jaaye!
Badal rahe hain khad-o-khaal mere lafzon ke
So dar raha hoon dua, bad-dua na ban jaaye
Jala na de kaheen tezab saari duniya ko!
Yeh dood-e-aah barasti ghata na ban jaaye!
Uqaab yoon bhi to apni shanakht bhool chuka
So darte darte kaheen fakhta na ban jaaye!
Shaheed hone lage sab ke Akbar-o-Asghar!
Yeh kainat kaheen Karbala na ban jaaye!
Jhulas na jaayen kaheen sho'la-e-nawa se hum!
Yeh sard chup kaheen jalti sada na ban jaaye!
Lagam daal de Namrood-e-nau ko bhi Malik!
Yeh be-lihaz kisi din Khuda na ban jaaye!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں