یہ شکستہ آئنہ توڑنا نہیں چاہتا — سعید شارق
شاعر
یہ شکستہ آئنہ توڑنا نہیں چاہتا
یہ شکستہ آئنہ توڑنا نہیں چاہتا
مِری کرچیاں کوئی جوڑنا نہیں چاہتا!
مجھے علم ہے وہ پتنگ کٹ بھی چکی، مگر
ابھی تک مَیں ڈور کو چھوڑنا نہیں چاہتا
نہیں چاہتا کہ وہ ناؤ جائے کسی طرف
اُسے اپنی سمت بھی موڑنا نہیں چاہتا
نہیں یاد، تیری کھنک ہے یا کسی اور کی!
مَیں یہ گلّک اس لیے پھوڑنا نہیں چاہتا
مرا دل ہے دہر کے اصطبل کا عجب فرَس
جو کسی بھی ریس میں دوڑنا نہیں چاہتا
کہیں رہ نہ جائے وہ تا ابد مرے خواب میں!
مجھے اس لیے وہ جھنجھوڑنا نہیں چاہتا
یونہی تارِ ضبط پہ ڈال رکھّوں گا عمر بھر
مَیں یہ غم کی شال نچوڑنا نہیں چاہتا
مجھے نوچ نوچ کے تھک گیا ہے یہ گُرگِ مرگ
سو ابھی مزید بھنبھوڑنا نہیں چاہتا
Yeh shikasta aaina todna nahin chahta
Yeh shikasta aaina todna nahin chahta
Meri kirchiyan koi jodna nahin chahta!
Mujhe ilm hai woh patang kat bhi chuki, magar
Abhi tak main dor ko chhodna nahin chahta
Nahin chahta ke woh naao jaaye kisi taraf
Use apni simt bhi modna nahin chahta
Nahin yaad, teri khanak hai ya kisi aur ki!
Main yeh gullak is liye phodna nahin chahta
Mera dil hai dehr ke astabal ka ajab faras
Jo kisi bhi race mein daudna nahin chahta
Kahin reh na jaaye woh ta abad mere khwab mein!
Mujhe is liye woh jhanjhodna nahin chahta
Yunhi taar-e-zabt pe daal rakkhunga umr bhar
Main yeh gham ki shaal nichodna nahin chahta
Mujhe noch noch ke thak gaya hai yeh gurg-e-marg
So abhi mazeed bhanbhodna nahin chahta
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں