ہر طرح کے جذبات کا اعلان ہیں آنکھیں
ہر طرح کے جذبات کا اعلان ہیں آنکھیں شبنم کبھی شعلہ کبھی طوفان ہیں آنکھیں آنکھوں سے بڑی کوئی ترازو نہیں ہوتی تلتا ہے بشر جس میں وہ میزان ہیں آنکھیں آنکھیں ہی ملاتی ہیں زمانے میں دلوں کو انجان ہیں ہم تم اگر انجان ہیں آنکھیں لب کچھ بھی کہیں اس سے حقیقت نہیں کھلتی انسان کے سچ جھوٹ کی پہچان ہیں آنکھیں آنکھیں نہ جھکیں تیری کسی غیر کے آگے دنیا میں بڑی چیز مری جان ہیں آنکھیں
English rendering
Har tarah ke jazbāt kā i'lān hain āñkhen Shabnam kabhī sho'la kabhī tūfān hain āñkhen Āñkhoñ se baṛī koī tarāzū nahīn hotī Tultā hai bashar jis mein vo mīzān hain āñkhen Āñkhen hī milātī hain zamāne mein diloñ ko Anjān hain ham tum agar anjān hain āñkhen Lab kuchh bhī kaheñ us se haqīqat nahīn khultī Insān ke sach jhūṭ kī pehchān hain āñkhen Āñkhen na jhukeñ terī kisī ghair ke āge Dunyā mein baṛī chīz mirī jān hain āñkhen