میں سردار عورت ہوں
زمانے کے چلن سے برسرِ پیکار عورت ہوں سو ہر اک مرحلے پر جبر سے دوچار عورت ہوں گناہوں میں بہت بھی ہو تو حصہ نصف ہے میرا سزاؤں کے لیے تنہا مگر حقدار عورت ہوں یہ بے برکت رفاقت دسترس کی دین ہے پیارے! تجھے حاصل ہوں اب تیرے لیے بیکار عورت ہوں میرے اندر نمو پاتی ہیں آنے والی نسلیں بھی خدا کے بعد مَیں تخلیق کا کردار عورت ہوں میں اپنے بھائیوں کو زندگی کے گُر سکھاتی تھی میرے ابو یہ کہتے تھے کہ میں سردار عورت ہوں۔۔۔
English rendering
Zamane ke chalan se barsar-e-paikar aurat hoon So har ek marhale par jabr se dochar aurat hoon Gunahon mein bahut bhi ho toh hissa nisf hai mera Sazaon ke liye tanha magar haqdar aurat hoon Yeh be-barkat rafaqat dastaras ki deen hai pyare! Tujhe hasil hon ab tere liye bekar aurat hoon Mere andar namu paati hain aane wali naslein bhi Khuda ke baad main takhleeq ka kirdar aurat hoon Main apne bhaiyon ko zindagi ke gur sikhathi thi Mere abbu yeh kehte the ke main sardar aurat hoon...