مقصدیت
مرے پیارے خداوندا مجھے جب کن کی ساعت میں ترے بے عیب یکتا دست قدرت نے ترے آدم کی باقی بچ رہی مٹی سے گوندھا تھا مرا نقشہ بنایا تھا تو مجھ میں کیا ترے آدم سے کمتر روح پھونکی تھی کہ جیسے بے دلی عجلت میں کوئی کام نمٹایا مری تخلیق کیا خالق تری چشم تصور کی کسی منصوبہ سازی کی نہیں مرہون منت بھی مجھے پیدا کیا تو نے کسی دوجے کی خاطر کیا تری حکمت کے سارے کارخانوں میں نہیں کچھ تذکرہ میرا مجھی پر تہمت اول ہے آدم کے بھٹکنے کی اسی دن سے یہ آدم جب کبھی بھٹکا ہے اے مولا تمام الزام میری ذات سے منسوب رہتا ہے زمیں پہ میں ترے نائب کی نائب ہوں اسی کی ہر ضرورت کا میں ساماں ہوں مجھے اب زندگی بھر ایک سایہ بن کے جینا ہے کسی آدم کی خواہش اور مرضی میں ڈھلا اک عکس بن کر زندہ رہنا ہے مرے تخلیق ہونے کی یہی کیا مقصدیت ہے مرے پیارے خداوندا مجھے کیونکر نہ جانے اپنے بے وقعت فسانے کے حوالوں میں کہیں پر جھول لگتا ہے یہ قصہ کچھ عجب سا ہے کہ ارض و عرش کا مالک جو ہے انصاف کا خالق وہ اتنی بے رخی بے اعتنائی کیسے برتے گا وہ خود کامل ہے پھر ناقص یہ پیکر کیوں تراشے گا کسی کی دل لگی میں کیوں مجھے دنیا میں لائے گا مجھے ایسا بھی لگتا ہے کہ یہ گتھی بہت پر پیچ فرسودہ خیالوں کی کبھی تو حل بھی ہونی ہے اور اس اندھیر نگری میں ازل سے کمتری کا بوجھ ڈھوتی بنت حوا کی درخشاں کل بھی ہونی ہے
English rendering
Mere pyaare Khawandā Mujhe jab kun ki saa'at mein Tere be-aib yakta dast-e-qudrat ne Tere Ādam ki baaqi bach rahi mitti se gondha tha Mera naqsha banaya tha To mujh mein kya tere Ādam se kamtar rooh phoonki thi Ke jaise be-dili ujlat mein koi kaam nimtaya Meri takhleeq kya Khaliq Teri chashm-e-tasawwur ki Kisi mansooba saazi ki nahin marhoon-e-minnat bhi Mujhe paida kiya tu ne kisi dooje ki khatir kiya Teri hikmat ke saare karkhanon mein Nahin kuch tazkirah mera Muji par tuhmat-e-awwal hai Ādam ke bhatakne ki Isi din se yeh Ādam jab kabhi bhatka hai ae Maula Tamaam ilzaam meri zaat se mansoob rehta hai Zameen pe main tere naib ki naib hoon Isi ki har zaroorat ka main samaan hoon Mujhe ab zindagi bhar ek saaya ban ke jeena hai Kisi Ādam ki khwahish aur marzi mein dhala Ek aks ban kar zinda rehna hai Mere takhleeq hone ki yehi kya maqsadīyat hai Mere pyaare Khawandā mujhe kyunkar na jaane Apne be-waqat fasaane ke hawālon mein Kahin par jhool lagta hai ye qissa kuch ajab sa hai Ke arz o arsh ka malik jo hai insaaf ka Khaliq Woh itni be-rukhi be-e'tinaai kaise barte ga Woh khud kamil hai phir naaqis yeh paikar kyun tarashe ga Kisi ki dillagi mein kyun mujhe duniya mein laaye ga Mujhe aisa bhi lagta hai Ke yeh gutthi bohut pur-pech farsooda khayalon ki Kabhi to hal bhi honi hai Aur is andher nagri mein Azal se kamtari ka bojh dhoti bint-e-Hawwa ki Darakhshan kal bhi honi hai