سجاد رضا

English rendering

Lab pe apne sada dua rakhna Dil mei'n aa jaayega Khuda rakhna Saare roshan dino'n ke saathi hai'n Bas andhero'n mei'n hausla rakhna Log tanqeed nahi'n seh paate Aayine hi se bas gila rakhna Chhod jaana hai is zamane ko Khair ka jaari silsila rakhna Phir se aadi kahi'n na ho jaao Ab taalluq mei'n faasla rakhna Dil ne har baar dard jhele hai'n Ab ke dil pe na faisla rakhna Aisi tanhaai bhi toh ghurbat hai Saath mei'n jabke qaafila rakhna Apni taabeer tak na zaahir hu'n Khwab dil mei'n kahi'n chhupa rakhna Jurm saabit hua Raza hum pe Andhe logo'n mei'n aayina rakhna