روزِ حساب
کتنے مظلوم گئے دنیا سے روز محشر کے انتظار میں ھیں اور اس دن خُدا سے بولیں گے بڑے ظالم تھے نام لیوا تیرے نام پہ تیرے ظُلم کرتے تھے نابلد تھے جو لفظِ غیرت سے نام ِغیرت قتال کرتے تھے دین اک کاروبار تھا ان کا صاحب مسند قضاوت بھی عدل کی دھجیاں اُڑاتے تھے حکمرانوں سے داد پاتے تھے حد تو یہ ھے کہ مفتی و مُلّا نفرتیں بانٹتے تھے لوگوں میں اپنے فتووں سے مَکر وحیلہ سے کفر و توہین میں پھنساتے تھے حق پرستوں کے سر کٹاتے تھے اور اپنی حوس پرستی میں یہ تقدس کو بھول جاتے تھے درسگاہوں میں اور مساجد میں اپنی ابلیسیت دکھاتے تھے تو جنھیں حکمراں بناتا تھا وہ بھی کب تیرا خوف کھاتے تھے ان کے فرعون جاگ جاتے تھے ھم نے آواز تو اُٹھائی تھی ھم میں طاقت نہیں تھی لڑنے کی ھم سے چھینی گئی حیات مگر آج روز حساب ھے یارب آج سارے حساب ھونے ھیں آج قاضی بھی تو گواہ بھی تو آج خاموش سبھی قاضی ھیں ھم تیرے فیصلوں پہ راضی ھیں
English rendering
Kitne mazloom gaye duniya se Roz-e-mehshar ke intezar mei'n hai'n Aur us din Khuda se bolei'n ge Bade zaalim the naam-lewa tere Naam pe tere zulm karte the Na-balad the jo lafz-e-ghairat se Naam-e-ghairat qitaal karte the Deen ek karobar tha unka Saahib-e-masnad-e-qazawat bhi Adl ki dhajjiyan udhaate the Hukmrano'n se daad paate the Had toh yeh hai ke Mufti-o-Mullah Nafratei'n baant'te the logo'n mei'n Apne fatwo'n se makr-o-heelay se Kufr-o-tauheen mei'n phansaate the Haq-parasto'n ke sar kataate the Aur apni hawas-parasti mei'n Yeh taqaddus ko bhool jaate the Darsgaaho'n mei'n aur masaajid mei'n Apni iblisiyat dikhaate the Toh jinhei'n hukmraan banaata tha Woh bhi kab Tera khauf khaate the Un ke Firaun jaag jaate the Hum ne aawaz toh uthayi thi Hum mei'n taaqat nahi'n thi ladne ki Hum se chheeni gayi hayaat magar Aaj roz-e-hisaab hai Ya Rab Aaj saare hisaab hone hai'n Aaj Qaazi bhi tu, Gawah bhi tu Aaj khamosh sabhi Qaazi hai'n Hum tere faisalo'n pe raazi hai'n