بنت حوا
تم سے صرف ایک بار جنمی گئی ہوں مگر تم تو آج تک مجھ سے جنم لے رہے ہو پھر میں محض اک سایا بن کر کیوں رہ گئی وجود کیوں نہیں بنی میرا پڑاؤ ہمیشہ تمہارے انگوٹھے کے نیچے کیوں رکھا گیا ہے میں تمہارے نام کی سل اپنے بدن سے ہٹا کر کھلی ہوا میں منہ بھر کر سانس لینا چاہتی ہوں باپ بھائی شوہر اور بیٹے کے گھر کے علاوہ میرا اپنا وطن بھی تو ہونا چاہیے قیدی آنکھوں میں التجا کے پھول لیے اجازتوں کے راہ تکتے تکتے پنکھڑیاں سوکھ کر میری روح میں کانٹوں کی طرح چھینے لگی ہیں خدارا میری آنکھوں کو زمین سے اتنا کس کر نہ باندھو کہ میں آسمان کے رنگ دیکھا چاہتی ہوں اور تمہاری آنکھوں میں سلگتی ہوئی اندھی انا کی چنگاریوں کو اپنی روپہلی محبتوں کی پھوار سے سرد کرنا چاہتی ہوں پیروں سے اٹھ کر میرے دل میں تمہارے ساتھ چلنے کی خواہش ہے اور تم مجھے کئی رشتوں کی طنابوں میں جکڑ کر بھی میری اڑان سے خوف زدہ ہو یہ جان کر بھی کہ اگر پرندوں کے پر کاٹ دیے جائیں تو پھر ان کے لیے پنجروں کی ضرورت باقی نہیں رہتی منتوں کے درد کرتے کرتے میری زبانوں کا گوشت گلنے لگا ہے چلو حکم نہ سہی کم از کم مجھے اپنی بات کرنے کی تو آزادی ہو تمہاری کہنہ روایات کی بیڑیاں پنڈلیوں کا گوشت کاٹ کر اب میری ہڈیاں چبانا چاہتی ہیں میں منہ کے بل گری یا معذور ہوئی تو احتجاجاً بانجھ ہو جاؤں گی اور اگر میں بانجھ ہوئی تو اپنے جنم کے لئے آئندہ صدی کے کس کی کھو میں اترو گے
English rendering
Tum se sirf ek baar janmi gayi hoon Magar tum to aaj tak Mujh se janam le rahe ho Phir main mehaz ek saaya ban kar kyun reh gayi Wujood kyun nahin bani Mera padaao hamesha Tumhare angoothe ke neeche kyun rakha gaya hai Main tumhare naam ki sil Apne badan se hata kar Khuli hawa mein munh bhar kar saans lena chahti hoon Baap, bhaai, shauhar aur bete ke ghar ke alawa Mera apna watan bhi to hona chahiye Qaidi aankhon mein ilteja ke phool liye Ijaazaton ke raah takte takte pankhadiyan sookh kar Meri rooh mein kaanton ki tarah chubhne lagi hain Khudara meri aankhon ko zameen se itna kas kar na baandho Ke main aasmaan ke rang dekha chahti hoon Aur tumhari aankhon mein Sulagti hui andhi ana ki chingaariyon ko Apni roopahli mohabbaton ki phuwaar se sard karna chahti hoon Pairon se uth kar Mere dil mein tumhare saath chalne ki khwahish hai Aur tum mujhe kai rishton ki tanabon mein jakad kar bhi Meri udaan se khaufzada ho Yeh jaan kar bhi Ke agar parindon ke par kaat diye jaayen To phir un ke liye pinjron ki zaroorat baaqi nahin rehti Minnaton ke dard karte karte Meri zabaanon ka gosht galne laga hai Chalo hukm na sahi kam az kam Mujhe apni baat karne ki to aazadi ho Tumhari kohna riwayaat ki bediyan Pindliyon ka gosht kaat kar Ab meri haddiyan chabaana chahti hain Main munh ke bal giri ya maazoor hui To ehtijaajan baanjh ho jaaungi Aur agar main baanjh hui to apne janam ke liye Aainda sadi ke kis ki kho mein utro ge