برسوں ہوئے تم کہیں نہیں ہو — زہرا نگاہ
شاعر
برسوں ہوئے تم کہیں نہیں ہو
برسوں ہوئے تم کہیں نہیں ہو
آج ایسا لگا یہیں کہیں ہو
محسوس ہوا کہ بات کی ہے
اور بات بھی وہ جو دل نشیں ہو
امکان ہوا کہ وہم تھا سب
اظہار ہوا کہ تم یقیں ہو
اندازہ ہوا کہ رہ وہی ہے
امید بڑھی کہ تم وہیں ہو
اب تک مرے نام سے ہے نسبت
اب تک مرے شہر کے مکیں ہو
Barson hue tum kahin nahin ho
Barson hue tum kahin nahin ho
Aaj aisa laga yahin kahin ho
Mehsoos hua ke baat ki hai
Aur baat bhi woh jo dil nasheen ho
Imkaan hua ke wehm tha sab
Izhaar hua ke tum yaqeen ho
Andaza hua ke reh wahi hai
Umeed barhi ke tum wahin ho
Ab tak mere naam se hai nisbat
Ab tak mere sheher ke makeen ho
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں