چمکتی ہوئی دھوپ تیزی سے نکلی (ردیف .. ے) — زہرا نگاہ
شاعر
چمکتی ہوئی دھوپ تیزی سے نکلی (ردیف .. ے)
چمکتی ہوئی دھوپ تیزی سے نکلی
گزرتی ہوئی بارشوں کو بلانے
ہواؤں نے ضد کی کہ ہم بھی چلیں گے
لگیں ٹھنڈکیں اپنے پیکر سجانے
ملی تھی خبر موسموں کو کہیں سے
کسی کنج گلشن میں ہیں دو دوانے
وہ برسوں کے بعد آج یکجا ہوئے ہیں
جو بیتی ہے اک دوسرے کو سنانے
درختوں نے جھک جھک کے تعظیم بخشی
بڑھے سبزہ و گل بھی آنکھیں بچھانے
کبھی ان کے چہروں کو بارش نے چوما
کبھی ان کا دامن بسایا صبا نے
کبھی ان کی آنکھوں میں سورج نے جھانکا
کبھی ڈال دی ان پہ چادر گھٹا نے
Chamakti hui dhoop tezi se nikli (radeef .. ye)
Chamakti hui dhoop tezi se nikli
Guzarti hui barishon ko bulane
Hawaon ne zid ki ke hum bhi chalenge
Lagīñ Thandakīñ apne paikar sajane
Mili thi khabar mausamon ko kahin se
Kisi kunj-e-gulshan mein hain do deewane
Woh barson ke baad aaj yakja hue hain
Jo beeti hai ek doosre ko sunane
Darakhton ne jhuk jhuk ke taazeem bakhshi
Badhe sabza-o-gul bhi aankhen bichhane
Kabhi un ke chehron ko barish ne chooma
Kabhi un ka daaman basaya saba ne
Kabhi un ki aankhon mein suraj ne jhankā
Kabhi daal di un pe chadar ghaṭā ne
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں