ایک کے گھر کی خدمت کی اور ایک کے دل سے محبت کی — زہرا نگاہ
شاعر
ایک کے گھر کی خدمت کی اور ایک کے دل سے محبت کی
ایک کے گھر کی خدمت کی اور ایک کے دل سے محبت کی
دونوں فرض نبھا کر اس نے ساری عمر عبادت کی
دست طلب کچھ اور بڑھاتے ہفت اقلیم بھی مل جاتے
ہم نے تو کچھ ٹوٹے پھوٹے جملوں ہی پہ قناعت کی
شہرت کے گہرے دریا میں ڈوبے تو پھر ابھرے نہیں
جن لوگوں کو اپنا سمجھا جن لوگوں سے محبت کی
ایک دوراہا ایسا آیا دونوں ٹوٹ کے گر جاتے
بچوں کے ہاتھوں نے سنبھالا بوڑھوں ہی نے حفاظت کی
جامۂ الفت بنتے آئے رشتوں کے دھاگوں سے ہم
عمر کی قینچی کاٹ گئی اب کاہے کو اتنی محنت کی
Ek ke ghar ki khidmat ki aur ek ke dil se mohabbat ki
Ek ke ghar ki khidmat ki aur ek ke dil se mohabbat ki
Dono farz nibha kar us ne saari umar ibaadat ki
Dast-e-talab kuch aur barhate haft aqleem bhi mil jaate
Hum ne to kuch toote phoote jumlon hi pe qanaat ki
Shohrat ke gehre darya mein doobe to phir ubhre nahin
Jin logon ko apna samjha jin logon se mohabbat ki
Ek doraha aisa aaya dono toot ke gir jaate
Bachon ke haathon ne sambhala boorhon hi ne hifazat ki
Jame-ul-ulfat bante aaye rishton ke dhaagon se hum
Umar ki qainchi kaat gayi ab kaahe ko itni mehnat ki
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں