ایک تیرا غم جس کو راہ معتبر جانیں — زہرا نگاہ
شاعر
ایک تیرا غم جس کو راہ معتبر جانیں
ایک تیرا غم جس کو راہ معتبر جانیں
اس سفر میں ہم کس کو اپنا ہم سفر جانیں
جس سے کچھ نہ کہہ پائیں جان گفتگو ٹھہرے
جس سے کم ملیں اس کو سب سے بیشتر جانیں
اپنا عکس بھی اکثر ساتھ چھوڑ جاتا ہے
یہ مآل خود بینی کاش شیشہ گر جانیں
تار تار کر ڈالیں صبر و ضبط کا دامن
زخم زخم دکھلا دیں ظرف چارہ گر جانیں
Ek tera gham jis ko raah-e-mo'tabar jaanein
Ek tera gham jis ko raah-e-mo'tabar jaanein
Is safar mein hum kis ko apna humsafar jaanein
Jis se kuch na keh paayein jaan-e-guftugu thehre
Jis se kam milein us ko sab se beshtar jaanein
Apna aks bhi aksar saath chhod jaata hai
Yeh ma'aal-e-khud-beeni kaash sheesha-gar jaanein
Taar taar kar daalein sabr-o-zabt ka daaman
Zakhm zakhm dikhla dein zarf-e-charah-gar jaanein
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں